abi at damdaming hinabi sa mga parilala sa loob ng 3 minuto

hindi ako ang pinaka magaling sa pagsulat ng mga salita't parilala
ngunit kung ito ang natatanging paraan upang bigyang linaw ang mga katanungan
susubukan kong ihabi ang mga salita hanggat mabuo ang mga letra ng iyong pangalan.

01 paumanhin.

paumanhin.

mali pala ako ng akala

sa akalang masasanay rin ako.

sa buhay na kasama ang iyong multo

habang bitbit ko ang mga alaala.

mali pala ako

ng hinuha na makakalimutan ko rin

ang mga pininta mong ngiti

habang unti unti mong hinahabi

ang pira-piraso ng aking kaluluwa.

kung pahihintulutan ay sayo ibabaling,

mga luha't salitang ikaw lamang ang may kakayahan

na kausapin at yakapin

ang kaluluwang minsanay iyong binuo

ay muli uling pumipiraso

habang binubuo ang mga letra ng pangalan mo.

                                                                         02 sugat

paano titigil ang agos ng pait

kung ang lalim ay di na maihahabi

ang mga nakaraang iyong hinilom

tila hindi mapapantayan ang bakas ng mga luha

na minsanang ikaw ang nagpunas.

-- paano ba maghihilom ng kusa

ang pusong ikaw lang ang may kakayahang gamutin?